depurimpianti

IMPIANTE BIOLOGJIK

Impiantet biologjike janë impiantet në të cilat trajtimi i ujërave të ndotura bëhet në bazë të proceseve biologjike. Këto impiante janë të përshtatshme për të trajtuar shkarkimet e ujërave të ndotura urbane dhe të disa prej industrive. Trajtimi biologjik realizohet në saj të mikroorganizmave aerobike dhe anaerobike të cilat asimilojnë ndotjen ( lëndën organike të biodegradueshme) që gjendet në ujërat e ndotura.

Proçesi i përdorur është ai biologjik me llum aktiv dhe me oksigjenim total. Për të favorizuar shkatërrimin e substancave organike nga mikroorganizmat, proçesi bazohet në furnizimin me një sasi të konsiderueshme oksigjeni të ujërave të ndotura. Oksigjenimi i ujit favorizon zhvillimin e mikroorganizmave aerobike të cilat konsumojnë si ushqim ndotjen organike të pranishme në ujë. Riciklimi i vazhdueshëm i një pjesë të llumit biologjik që përmban mikroorganizmat aerobike, siguron vijueshmërinë e procesit të trajtimit si dhe përmirëson dekantimin e llumit. Përdorimi i sasive të mëdha të oksigjenimit si dhe pasimi me dekantim realizojnë trajtimin e ujit të ndotur edhe për prurjen maksimale ditore. Impiantet biologjike menaxhohen lehtësisht dhe kanë kosto të ulëta mirëmbajtje.

Gjithashtu, impiantet biologjike janë të lehta në instalim. Për motive estetike si dhe për hapësirën që kërkojnë zakonisht vendosen nëntokë. Në përgjithësi impiantet janë të realizuara me module të parafabrikuara në vetrorezin ose me beton, brenda së cilave realizohen këto faza trajtuese:

• Pre-oksigjenim,
• Grilim,(Paratrajtim)
• Trajtim kimik/fizik,(Optional)
• Oksigjenim,(Trajtim Biologjik)
• Dekantim dhe kthjellim final,
• Largimi i llumit me ngritje mekanike ose pompë elektromekanike